About

የግቢ ጉባኤያችን ታሪክ በአጭሩ

በ 2003 ዓ.ም በአዲስ አበባ ዩኒቨርሲቲ የተመደቡ ጤና ሳይንስ ተማሪዎች አዲስ ካምፓስ እንዲገቡ ተደረገ። የገቡበትም ካምፓስ አሁን ላይ ሰፈረ ሰላም በመባል የሚታወቀው ግቢ በመጀመሪያ ሲመሰረት (በተለምዶ ሳንባ ነቀርሳ) ሕክምና ማዕከል የነበረው የቅዱስ ጴጥሮስ ሆስፒታል ግቢ ነበር። ቅዱስ ጴጥሮስ ግቢ ጉባኤ ሰፈረ ሰላም ካምፓስ ተማሪዎችን ተቀብሎ ማስተማር ከጀመረ ከ 2 ዓመት በኋላ በ 2005 ዓ.ም ተቋቁሞ ሥራ የጀመረ ሲሆን የመመስረቱ ምክንያትም ከዛ በፊት የግቢው ተማሪዎች በጳውሎስ ግቢ ጉባኤ ይገለገሉ የነበረ ቢሆንም ሁለቱ ተማሪዎች የሚሳለሙበት ደብር የተለያየ በመሆኑና ካምፓሱ በደንብ ራሱን በመቻል ተማሪዎችን ማስተማር በመጀመሩ ነው።

ግቢ ጉባኤው ራሱን ለመቻል ጥያቄውን ለማኀበረ ቅዱሳን አዲስ አበባ ማዕከል አቅርቧል። ሚያዚያ 2004 ዓ.ም ከማዕከል በወጡ ተጠሪዎች አሰባሳቢነት ስለግቢው አጠቃላይ ሁኔታና ቀጣይነት ከተመረጡ ልጆች ጋር ውይይት ተካሂዶ ግቢው ከ ቀጣይ 2005 ጀምሮ ራሱን ችሎ ሥራ እንዲጀምር ከስምምነት ተደርሷል። ስሙም ቅዱስ ጴጥርስ ተብሎ እንዲቀጥል ሆኗል።

ከዚያን ጊዜ ጀምሮ የተማሪ ቁጥር እጅጉን ጨምሮ ግቢ ጉባኤያችን እያደገ በመምጣት የተለያዩ አገልግሎቶችን በመስጠት ላይ ይገኛል። ከነዚህም ውስጥም ኮርስ፣ የአብነት ትምህርት፣ የጸሎት እና የአንድነት መርሐግብራት፣ የበገና ትምህርት፣ ዝክረ ቅዱሳን እና የበጎ አድራጎት ሥራዎች በዋነኝነት ይጠቀሳሉ።